القمر الخامس
July 27, 2018 at 11:04 pm,
No comments
القمر الخامس .. قمر غريب
متغير
كله مراحل مختلفة
... بدركامل .. قمر عمال ينقص منه حتت بسرعة .. قمر احمر .. و بعدين برتقاني
و دلوقتي رجع بدر تاني
عامل زي المرحلة اللي بعدي فيها دلوقتي
مليانة متغيرات .. ما اعرفش اذا كانت حتنتهي نهاية سعيدة و الا لأ
اخبار متضاربة .. و عواصف و قلق
النقطة الثابتة الوحيدة .. هي انتي
نقطة بتديني القوة و الثقة ان كل حاجة حتنتهي علي خير
بداية جديدة قدامي .. و طريق حبتديه من اول جديد
مشيته كذا مرة
و اتعودت عليه
لكن الواحد بتيجي لحظة في حياته بيتعب .. بيزهق
لكن كل مرة احس بيأس
افكر فيكي
و كل حاجة تقلق تختفي
و يسري جوه روحي تيار دافي
يوشوشني
و يقوللي ما تقلقش
كله حيخلص بخير
انتي معايا
انتي جنبي
و زي ما القمر دلوقتي بعد تغيرات كتيرة رجع لشكله الطبيعي
حياتي حترجع برضه كده
طول ما انتي جنبي
