بحب جديد

بقالي كام يوم بمر باحساس هادر اني بحب و كاني بحب لأول مرة في عمري
و بعدين لقيت ان الاحساس ده مرتبط بنفس الانسانة اللي بحبها
ازاي عندك المقدرة دي حبيبتي
ازاي في كل فترة من حياتي حبيتك اكتر من مرة
كل مرة باحساس  مختلف
خلتيني امر بكل العواطف  اللي ممكن اتخيل انها موجودة في قاموس المشاعر
الصعب منها بقي جزء من ماضي صهر حبي ليكي في فرن حداد عتيق .. و طلع منه صلب و باقي جوايا ابدآ
و اللي بعيشه مره ورا مره بتخليني اجرب فيه مشاعر جديدة مركزها الدائم هو حبي ليكي
كل مرة كاني بكتشفك من جديد .. كانك بترميني بسهمك من جديد
عارفة السعادة الغامرة اللي بتفيض من قلبك لما تمري بتجربة الحب اول مرة في حياتك
اهي دي عشتها و بعيشها معاكي  كل مرة نرجع نتقابل بعد غياب
كل مرة اعتقد ان مش ممكن يكون فيه اجمل من اللي بعيشه معاكي في لحظتها
و كل مرة تهديني جانب من سعادة جديد عليا ما كنتش اتخيله
اللي انا عارفه دلوقتي اني مهما حصل مش حسمح ابدآ انك تضيعي مني تاني
و ان اي حاجة مهما كانت مستحيلة حتقربني منك و تخليكي مرتاحة .. سعيدة .. مطمأنة .. حعملها 
وجودك في حياتي لا يضاهيه اي تمن او رغبة او احتياج
و وجودي في حياتك اتضرع الي الله ان يكون سبب لسعادتك

2 comments - بحب جديد

Leave a reply