!! آسفة
لو تعرفي قد ايه بكره نفسي لما اسمعك بتوجهالي ... عمرك ما حتفكري فيها
اقدر استحمل منك اي تعبير .. اي تعبير .. حتي لو كان مقترن بالكراهية
الا تعبير الأسف
اخر حاجة ممكن تفتكري اني محتاج اسمعها منك
مش ده شعورعايزه يتواجد بين مشاعر نبيلة بتجمعنا
لأني فعلأ مش عايز اسمعه
مش محتاجه
ما استنتوش ابدآ منك
طول عمري راضي باي قرار تاخديه
ساعات كنت بحس بالأسي لأني ما اقدرتش اوصلك بجد
لأني مش قادر اهديكي سعادة تستحقيها
لكن كنت دايمآ و لحد دلوقتي راضي باي قرار تاخديه
و دلوقتي .. بعد كل السعادة اللي بتهديهالي
تقوليلي .. انا آسفة
كل مرة سمعتها منك حسيت بسكينة جوايا .. لأنه بسببي خليتك تحسي بكده
و مش ده اللي انا عايزه .. ابدآ .. أبدآ
كل اللي فات من عمري ... فات
و مش بايدينا بنرجعه
خلينا أكتر في اللي جاي
ما بقاش فيه وقت نضيعه
و انا مش حضيع عمر تاني .. لو ثواني ينفعوا
اسمعي الأغنية دي .. و بعدين اوعديني ان عمرك ما حتقولهالي تاني