القمر الأخير
September 24, 2018 at 9:24 pm,
No comments
هو .. رفيق طريقي اليومي اللي بيقوللي فاضل اد ايه
و النهارده اكتمل
الحاجة الوحيدة الايجابية اللي خلت يوم طويل .. مرهق .. ممل .. فجأة يختفي تأثيره السلبي عليا
و يبدل الخنقة اللي بتعصر روحي لراحة
النهارده اكتمل
القمر ده بالذات
استنيته كتير
و اخيرا جه
ابتدا العد التنازلي لأيام بتفصلني عنك
و قرب اليوم اللي حيتوافق فيه وقتي مع وقتك
حتجمعنا ظروف الأرض غصب عنها بعد ما كانت معانداني
حيبتسملي حظ بيراهن نفسه اننا ما نجتمعش حتي من خلال دقيقة نتكلم فيها
حشوف عينيكي و ارجع ادفن روحي جوه حنانها
حقولك ازيك و انتي قصادي
ابتسامتك حتملا عمري و انا بشوفها بجد مش بس بحسها او اتخيلها
حرفع عيني علي شباك اشوفك فيه بدل ما افضل اتوه بين شبايك اتخيل طيفك فيهم
لقائنا بقي قريب يا عمري
و القمر الجاي حينور سمانا مع بعض