فالنتين !!؟؟
حواليا في كل حتة ناس عمالة تتبادل كل الحاجات دي
الجو كله حب و حبيبة
يوم و يعدي و يرجع كله زي ما كان
و انا في وسط كل ده مش قادر اربطك بيهم
هابي فالانتين ؟؟؟
لأ .. مش حقولهالك
لأن اللي جوايا اكبر بسنين ضوئية من كل ده
اكبر من انه يتحدد بيوم او هدية حتي لو كانت رمزية
حبي ليكي هو حب السنة كلها .. حب السنين كلها ... حب العمر كله
اتخلقت علشان احبك
و حموت و انتي اخر حاجة حتكون في بالي
حلم ممزوج بواقع حقيقي بعيش فيه دايمآ
فمعلش ححس اني حهين الشعور ده لو غمسته بطقوس يوم زي ده
... بحبك
كلي ثقة انك مش حتلاقي ابدآ واحد من كل اللي بيحتفلوا بعيد الحب النهارده جواه مشاعر زي اللي بحس بيها
كل ما اتمناه انك تكوني سعيدة
احلم اني اهديكي كل حاجة مش عندك
احلم باني اوريكي الوان في الطبيعة مش موجودة
احلم بلمس شفايفك بشفايفي
بحلم بعالم احلامنا فيها واحدة
احلم بان اشوف يعينيكي و اسمع بودانك
احلم بان اشعر باناملك و هي بتلمس شعرك
أحلم بان أكون الميه اللي بتغسلك
احلم بان اكون ضلك اللي بيبتدي من كعب رجليكي و يمتد علي طول الأرض اللي بتمشي عليها
احلم بان اكون الضؤ اللي بتبان فيه ملامحك
احلم بان تعرفي قد ايه روعة الأحساس في حبك
