كل سنة و انتي مليكتي
من غير ما أقدر أقولك حتي
كل سنة و انتي طيبة
كام مرة ما أقدرتش أقاوم رغبة جبارة في اني احسك بقربي
امسك سماعة التليفون و اتصل بيكي
و انا بتمني من كل اعماقي انك انتي اللي تردي عليا
علشان لو مش حتكوني انت مش حقدر اكرر التجربة تاني
و لما يجيلي صوتك من الناحية التانية بيقول آلو
اقفل الخط من غير ما اتنفس و انا قلبي بيتعصر
بقفله و انا جوايا بقولك كل سنة و انتي طيبة يا حب العمر كله
كام مرة حلمت اني اكون جنبك في اليوم ده
امسك ايدك .. و اغوص جوه عينيكي
اخدك في حضني
اخدك و اخرج نروح اماكن ما تتخيليش حتي انها موجودة
احلام .. كانت مجرد احلام .. اصحي منها و الاقي نفسي لوحدي
في عالم مافيهوش غير لون واحد بس
رمادي كئيب
و بالرغم من ده كله عمري ما فقدت الأمل
فضلت دايمآ اجري ورا حلمي ده باصرار
لحد ما جه اليوم اللي قدرت اقولهالك بجد
اليوم اللي كنت فيه فعلآ جنبك
اليوم اللي اتحول اللون الرمادي لباليتة الوان كاملة
انفجرت فيها كل الوان الطيف
و الوان تانية ممكن تشوفيها بس في أكوان تانية
كل مرة اسمعك فيها
اشوفك افيها
المسك فيها
أحس بأنك بتمسكي ريشة و تضيفي بيها جزء جديد
في لوحة حياتي
و النهارده سنة جديدة بتتضاف علي السنين اللي بتجمعنا ببعض
سنة جديدة بتضيف عليكي مقدار جديد من النضج علي لمسة جمال و فتنة و اثارة جديدة
نفسي من كل قلبي
تشوفي نفسك بعينيا انا
المشكلة انك ساعتها حتبقي غريمتي في حبك
حتتحولي ل "نركسوس
كل سنة و انتي طيبة يا عمري
تملي حياتي برضا و سعادة و راحة بال
كل سنة و انتي زي ما انتي
رائعة الجمال و الطيبة و الحنان
كل سنة و انتي
مليكتي
2 comments - كل سنة و انتي مليكتي
انت عارف انا فعلا عمري ماحسيت بعيد ميلادي غير وانت معايا.. لما بسمعك بحس انه فعلا يوم مختلف.. ربنا يخليك ليا..... كل سنه واحنا مع بعض..
عارف كل عيد ميلاد كان بيعدي عليا كنت بستنى مكالمه التليفون دي حتى لو مكنتش بترد وحتى لو َمكنت بتقوللي... كل سنه وانتي طيبه.. بس عارف كنت بسمع صوت نفسك.. اا
بيرنومتردش وش